Ընտանիքի օգնութեան հիմնադրամի (ԸՕՀ) բարեգործական ծրագրերը Հայաստանում շարունակւում են՝ աջակցութիւն տրամադրելով անապահով ընտանիքներին, կարիքաւոր երեխաներին, վիրաւոր եւ հաշմանդամ զինուորներին:
Սեպտեմբերին, հիմնադրամի նախագահ Նազ Աթիկեան-Բասկիջեանը, հոգաբարձուների խոր-հրդի անդամներ Սոնիա Ներսէսեանը, Շողիկ Եագուբեանն ու Սիլվիա Տէրմէնճեանն այցելեցին Արարատի մարզում գտնուող Սիփանիկ գիւղի հիմնական դպրոց: Նրանք հաճելի անակնկալ էին պատրաստել առաջինից տասներորդ դասարանի 93 աշակերտների համար:
Ընտանիքի օգնութեան հիմնադրամի առաքելութիւններից է աջակցել սոցիալապէս անապահով ընտանիքներին: Մենք հետաքրքրւում ենք Հայաստանի տարբեր շրջաններում մեր հայրենակիցների մասին, եւ փորձում ենք անհրաժեշտ օգնութիւն տրամադրել: Տեղեկանալով Սիփանիկում գտնուող միակ դպրոցի մասին, որոշեցինք պայուսակներ ու գրենական պիտոյքներ տրամադրել: Շատ յուզուած եմ տեսնելու մեր փոքրիկների անկեղծ ուրախութիւնը», նշեց Նազ Աթիկեան-Բասկիջեանը՝ հիմնադրամի միւս անդամների հետ ծանօթանալով աշակերտներին ու բաժանելով նուէրները:
Դպրոցի տնօրէն Մայիս Սահակեանն էլ շնորհակալութիւն յայտնեց բարերաներին, ու նշեց, որ սոցիալական խնդիրներ ունեցող ընտանիքները, որ մեծ թիւ են կազմում գիւղում՝ իսկապէս նման աջակցութեան կարիք ունեն:
